Mwanaume mmoja sasa ni baba wa watoto 60, baada ya kujaliwa mtoto mchanga katika mwaka mpya wa 2023. Sardar Jan Mohammad Khan Khilji alikuwa mwingi wa furaha alipombeba malaika huyo ambaye alipanua familia yake inayokua kila mara.
Mtoto huyo alipewa jina Haji Khushhal Khan, kama ilivyoripotiwa na The Mirror.
Sardar ambaye ni mzawa wa Pakistan, anaishi kwa amani na wake zake watatu na watoto wao wote katika nyumba moja. Licha ya kuwa na wake watatu, baba huyo mwenye umri wa miaka 50, anapanga mipango ya kuoa mke mwingine.
Daktari huyo alisema bado anataka kuongeza watoto zaidi kwenye familia yake na amewaomba marafiki zake wamsaidie kupata mke mwingine. Baba huyo aliiomba serikali kumpa zawadi ya basi la kuwapeleka wake zake na watoto kwenye likizo.
Mkazi huyo wa Quetta, mji mkuu wa Balochistan alibainisha kuwa gharama ya maisha imepanda sana na kufanya kuwa vigumu kwake kulea familia yake kubwa.
"Biashara imesimama. "Bei za vitu vyote vya msingi, ukiwemo unga, samli na sukari zimepanda mara tatu." Kwa miaka mitatu iliyopita, Wapakistani wote, ikiwa ni pamoja na dunia nzima, wanakabiliwa na matatizo, ikiwa ni pamoja na mimi," alisema.
Posts
