Wazee wilayani Makete mkoani Njombe wametakiwa kuwa chachu ya kuhimiza
vijana kufanya kazi na kujiepusha na mambo mabaya katika jamii ikiwemo kucheza
pool muda wa kazi ili watekeleze agizo
la Rais Dkt John Magufuli alilolitoa katikati ya mwezi iliopita la wananchi
kufanya kazi hasa kula
Kauli hiyo imetolewa na mkuu wa wilaya ya Makete mkoani Njombe Mh Daudi
Yassin ameyasema hayo hii leo wakati akizungumza na baraza la wazee wilaya ya
Makete ambapo pamoja na mambo mengine mkuu wa wilaya amesema anatambua mchango
wa wazee katika jamii na taifa kwa ujumla hivyo wakiamua wanaweza kuwabadilisha
vijana wafanye kazi
"Wazee wangu sisi kama serikali tunatambua kuwa mnamchango mkubwa sana
katika taifa hili, na nchi bila wazee haiwezi kwenda, tunawategemea sana wazee
hebu tusaidieni sisi tutawajibika kuhakikisha vijana wanapewa fursa ili waweze
kufanya kazi"amesema Mkuu huyo wa wilaya
Mkuu huyo amesema tayari halmashauri ya wilaya ya Makete imetenga maeneo ya
kilimo kwa ajili ya vijana kufanya shughuli bila kupoteza muda na amesema
maeneo hayo yapo katika tarafa tofauti tofauti za wilaya ya Makete ambapo
wataalamu wa kilimo watashirikishwa kusaidia kilimo watakachofanya vijana hao
kiwe na tija
Katika kikao hicho Risala ya baraza la wazee wilaya ya Makete iliyosomwa na
Bi. Fides Mwakagile imempongeza Rais Dkt John Kwa Magufuli kwa kuchaguliwa kuwa
Rais wa jamhuri ya muungano wa Tanzania lakini pia kwa utendaji kazi wake ambao
ameuonesha toka aingie madarakani Novemba Mwaka jana
Risala hiyo imesema baraza la Makete wilaya ya Makete bila kujali itikadi
zao wanaungana na serikali iliyopo madarakani kwa jinsi inavyotenda kazi na
kusema watazidi kumuombea kwa Mungu Rais Magufuli awe na afya njema na aendelee
kufanya kazi zake kama watanzania wanavyotegemea
Mzee Sukunala Nkwama ni mwenyekiti wa baraza la wazee wilaya ya Makete
amesema wao kama wazee wanaridhishwa pia na utendaji kazi wa mkuu wa wilaya
hiyo Mh Daudi Yassin ambapo kwa kipindi cha karibia mwaka mmoja alichokuwepo
Makete amefika katika maeneo ambayo hata yeye japo ni mzaliwa wa hapo hajafika
ila mkuu huyo amefika
Ametolea mfano kuwa ni kwenye chanzo cha maji kilichopo Ivalalila ambacho
ni kigumu kufikika lakini mkuu huyo amefika na kusikiliza pamoja na kutatua
kero za wananchi, hivyo kusema viongozi kama hao ndio wanaotakiwa kwa kuwa
wanaweza kasi ya serikali ya awamu ya tano inayoongozwa na Rais Dkt John Pombe
Magufuli
naye diwani wa kata ya Iwawa (CHADEMA) Mh Asifiwe Luvanda amesema
anaendelea kusisitiza kuwa atafanya kazi kwa kushirikiana na serikali ya CCM
ambayo ilani yake ndio inayotekelezwa hivyo wakati wa kuonesha uchama haupo na
badala yake ataonesha ushirikiano na wananchi wote na serikali iliyopo
madarakani ili maendeleo yapatikane kwa kuwa ndicho kilio cha wananchi wake
Katika kikao hicho pia wazee hao walipa nafasi ya kuuliza maswali pamoja na
kutoa ushauri wao ambao ulipatiwa majibu na mkuu wa wilaya akishirikiana na
watendaji alioambatana nao na mengine aliyachukua kwenda kuyatendea kazi mara
moja
Posts
