Wananchi wilayani Makete mkoani Njombe wameanza kunufaika na punguzo la bei
ya umeme lililoanza kutumika mapema
Tarehe 1 mwezi wa nne mwaka huu.
Blog hii ilifanikiwa kufika katika ofisi za
TANESCO wilaya ya Makete na kukutana na kaimu meneja Bw.Lenard Ongoli ambaye
amethibitisha kuondolewa kwa huduma ya malipo yaani (service charge) Sh.7000/=
huku EWURA na VAT zikiendelea kuwepo.
Bw. Ongoli pia amesema kutokana na
malalamiko ya wateja ndiyo sababu iliyopelekea kuondolewa kwa huduma hiyo huku
akiongeza kuwa punguzo hilo limelengwa kwa watumiaji wa umeme wa majumbani
ambao hununua umeme kuanzia uniti 75 na kushuka huku akisisitiza kuto badilika
kwa huduma za umeme wa viwandani na ametoa wito kwa wote ambao wamelimbikiza
malipo ya mwezi wa kwanza,wapili na watatu kulipia mapema ili waingizwe katika
huduma mpya.
Nao baadhi ya wananchi wa wilaya ya Makete mkoani Njombe wamelipongeza shirika la umeme Tanzania kwa hatua waliyo fikia huku
wengi wao wakiamini hali hiyo itawafanya watanzania kunufaika na kukua
kiuchumi.
NA GODFREY MARTIN, MAKETE
NA GODFREY MARTIN, MAKETE
Posts
