Rais wa jamuhuri ya muungano wa Tanzania Mh Dk Jakaya Kikwete na rais wa Kenya Mh.Uhuru Kenyata kwa pamoja wamezindua mradi wa ujenzi wa barabara ya Afrika Masharaiki kutoka Arusha Moshi hadi Holili Tanzania na Taveta hadi Mwatete nchini Kenya ambayo inajengwa kwa ufadhili wa benki ya maendeleo ya Afrika.
Akizungumza na wananchi wa Kenya na Tanzania wakati wa uzinduzi wa barabara hizo zenye urefu wa kilometa 157.5 rais wa jamuhuri ya muungano wa Tanzania Mh.Dk Jakaya Kikwete amesema kukamilika kwa barabara hizo kutarahisisha mwingiliano wa kibiashara baina wananchi wanachama wa jumuiya ya Afrika Mashariki.
Amesema awali wananchi walokuwa wanasafiri kupitia barabara hiyo walikuwa wanatumia saa 14 kutoka Arusha hadi Taveta lakini kwa sasa barabara hiyo ikikamilika watakuwa wanasafari kwa saa mbili.
Kwa upande wake rais wa Kenya Uhuru Kenyata amesema pamoja na ushirikiano uliopo baina ya Kenya na Tanzania ni vema viongozi wa nchi hizo wakajadili jinsi ya kusaidia wananchi wake katika kuimarisha njia zao za usafiri na kuondoa vizuizi vilivyopo mipakani.
Kwa upande wake mkurugenzi wa benki ya maendeleo ya Afrika katika nchi za jumuiya ya Afrika Mashariki Gabriel Negatu amesema jumla ya dola milioni 232.5 zitatumika katika kukamilisha ujenzi wa barabara hizo.
Rais Dkt.Jakaya Mrisho Kikwete akihutubia wananchi wa eneo la TAVETA nchini Kenya ambapo alianza ziara yak e ya siku tatu kwa kuzindua ujenzi wa wa Barabara ya Arusha-Holili/Taveta-Mwatate huko Taveta.
Rais Uhuru Kenyatta wa Kenya akimkaribisha Rais Dkt.Jakaya Mrisho Kikwete eneo la TAVETA nchini Kenya muda mfupi baada ya Rais Kikwete kuwasili na kuanza ziara ya kikazi ya siku tatu.(Picha na Freddy Maro)
Posts
